امام الحق چچا کی طرح ورلڈ کپ جیتنے کے خواہشمند

پاکستان کی کرکٹ ٹیم کے اوپنر امام الحق نے ہوش سنبھالا تو انھیں معلوم ہوا کہ پاکستانی کرکٹ کی تاریخ کی سب سے بڑی کامیابی کا ایک اہم کردار ان کے اپنے گھر میں موجود ہے۔

آج جب وہ خود اپنے کریئر کی سب سے بڑی خواہش کی تکمیل چاہتے ہیں تو گھر کے ’اسی فرد کا احساس ‘ ان کا حوصلہ بڑھا رہا ہے۔

امام الحق کہتے ہیں ’میں بہت چھوٹا تھا جب پتہ چلا کہ میرے چچا انضمام الحق سنہ 1992 کا عالمی کپ جیتنے والی پاکستانی کرکٹ ٹیم میں شامل تھے تو فخر محسوس ہوا۔